All posts by : Webdesk

پاکستان نے ایشین جوجٹسو چیمپئن شپ 2024 کے مقابلوں میں ایک گولڈ اور دو برانز میڈل اپنے نام کرلئے۔ ابوظہبی میں ہونے والی ایشین جوجٹسو چیمپئن شپ میں پاکستان کی 5 رکنی ٹیم نے بہترین کارکردگی کا مظاہرہ کرتے ہوئے ایک سونے اور دو کانسی کے تمغے جیت لیے۔انڈر 18 کے ڈو کلاسک ایونٹ میں محمد یوسف علی اور عمر یاسین نے فائنل میں قزکستان کو شکست دیکر پاکستان کیلئے گولڈ میڈیا جیتا۔اس کے علاوہ اسرا وسیم اور کائنات عارف نے ڈو شو اور ڈو کلاسک کی سنیئر ویمنز کیٹیگری میں پاکستان کیلئے 2 کانسی کے تمغے حاصل کئے ۔پاکستان جوجٹسو فیڈریشن کے چیئرمین خلیل احمد خان نے کامیابی پر کھلاڑیوں کو مبارکباد دی ہے۔

محسن نقوی کی کھلاڑیوں سے ملاقات، ورلڈ کپ جیتنے پر ہر کھلاڑی کو 1 لاکھ ڈالر انعام کا اعلان ۔چئیرمین پاکستان کرکٹ بورڈ محسن نقوی نے ٹی ٹوئنٹی ورلڈ کپ جیتنے پر ہر کھلاڑی کے لئے ایک لاکھ ڈالر انعام دینے کا اعلان کیا۔چیئرمین پی سی بی نے کہا کہ  پاکستان کی جیت کے سامنے اس انعام کی کوئی حیثیت نہیں، امید …

ڈائریکٹوریٹ آف سپورٹس پشاور یونیورسٹی کے زیر اہتمام ہائیر ایجوکیشن کمیشن کے اشتراک سے وزیر اعظم یوتھ پروگرام خیبر پختونخوا ہینڈ بال صوبائی لیگ میں پشاور، مردان اور بنوں ریجن کی کامیابی، یونیورسٹی گراؤنڈ پر جاری صوبائی ہینڈ بال لیگ میں گزشتہ روزچار میچز کھیلے گئے ۔پہلے میچ میں پشاور نے سوات ریجن کو 12 کے مقابلے 22 گول سے شکست دی دوسرے میچ میں بنوں نے ہزرہ ریجن کو 16-11 سے ہرایا اسی طرح مردان نے ہزارہ کو 8 کے مقابلے 26 گول سے شکست دیدی۔ لیگ کے آخری میچ میں پشاور نے بنوں کر 14 کے مقابلے 34 گول سے ہراکر اپنی پوزیشن مستحکم کردی اس موقع پر ائریکٹر سپورٹس بحر کرم، ڈائریکٹر فاصلاتی تعلیم ڈاکٹر نورزادہ، انگلینڈ سے آئے احسان اللہ، گل جی اور ڈپٹی ڈائریکٹریوتھ ارشد حسین بھی موجود تھے۔

پشاور میں جاری مختلف صلاحیتوں کے حامل افراد کیلئے منعقدہ سپورٹس فیسٹیول پروقار تقریب میں اختتام پذیر ۔ حیات آباد سپورٹس کمپلیکس پشاورمیں آخری روز پست قامت  کھلاڑیوں کا کرکٹ فائنل میچ  پشاور زلمی نے جیت لیا فائنل میں کرک ٹایگرز کو 65 رنز سے شکست دی اور ٹایٹل کا حقدار ٹہرے۔پشاور زلمی نے پہلے بیٹنگ کی اور بغیر کسی نقصان کے 97 رنز کا مجموعہ سکور بورڈ پر سجایا۔عثمان خان نے69رنز کی ایک جارحانہ اور دلکش ناقابل تسخیر اننگز کھیلی۔عثمان میدان کے چاروں طرف بہترین شاٹس کھیلے انکی اننگز میں 8 فلک بوس چھکے اور 4چوکے شامل تھے۔دوسرے اوپنر ارشاد نے 12رنز بنائے اور وہ بھی ناٹ اوٹ رہے۔  جواب میں کرک ٹایگرز 98رنز کے ہدف کے تعاقب میں سنبھل نہ سکی اور پوری ٹیم صرف 32رنز پر ڈھیر ہو گئی۔شیراز واحد بلے باز تھے جو ڈبل فگرز تک پہنچے۔انہوں نے 11رنزکیے۔ پشاور کی طرف سے عثمان، سلیمان اور ارشاد کامیاب بولرز رہے ۔جنہوں نے دو دو کھلاڑیوں کو اوٹ کیا۔اسی طرح وہیل چیئر کرکٹ فائنل میں مردان نے پشاور کو 6وکٹوں سے شکست دیکر ٹرافی اپنے نام کی اس موقع پر ایڈیشنل ڈائریکٹرجنرل سپورٹس رشیدہ غزنوی نے فاتح کھلاڑیوں نے ٹرافی اور کیش انعامات تقسیم کئے ان کے ہمراہ ایڈمنسٹریٹرحیات اباد سپورٹس کمپلیکس سید جعفر شاہ، زوار نور ضیاء سمیت دیگر شخصیات موجود تھیں۔خصوصی افراد گیمز میں صوبہ بھر سے 400سے زائد کھلاڑیوں نے 34 مختلف کیٹگریز کے گیمز میں حصہ لیا۔ خصوصی افراد گیمز بیڈمنٹن سٹینڈنگ ڈبلز ایونٹ میں پشاور کے سید فہد شاہ اور آصف نے خان نے ڈیرہ اسماعیل خان کے عمران اور عابد کو 21-17 سے شکست دیکر ٹرافی جیت لی۔ خواتین وہیل چیئر ٹیبل ٹینس میں مینہ نے پہلی، مروہ نے دوسری، ڈسکس تھرو سٹینڈنگ میں شمع نے پہلی گلشن نے دوسری، وہیل چیئر دوڑ میں کرشمہ نے پہلی، رعنا گل نے دوسری، مرد سٹینڈنگ ٹیبل ٹینس میں عبداللہ جان نے پہلی، سجاد رضا نے دوسری، وہیل چیئر ٹیبل ٹینس میں احسن دانش نے پہلی، ذبیح نے دوسری، وہیل چیئر ڈسکس تھرو میں بلال رومی نے پہلی، تحسین نے دوسری، بیڈمنٹن وہیل چیئر ٹیم ایونٹ میں احسن اور ثناء اللہ نے پہلی، رفعت اللہ اور عارف نے دوسری، سو میٹر وہیل چیئر دوڑ میں شکیل نے پہلی، مثل خان نے دوسری، باسکٹ بال وہیل چیئر میں پشاور نے پہلی اور مردان نے دوسری، خواتین آرچری میں حسینہ نے پہلی، رعنا گل نے دوسری، مرد آرچری وہیل چیئر میں رحمت اللہ نے پہلی، راحید شیرین نے دوسری، جیولن تھرو وہیل چیئر مین شکیل نے پہلی، جاوید نے دوسری، شاٹ پٹ وہیل چیئر مین عمران نے پہلی، مشتاق نے دوسری پوزیشن حاصل کی۔

ڈائریکٹوریٹ جنرل سپورٹس کے زیر اہتمام جاری خیبر پختونخوا انٹرمدارس گیمزبنوں ریجن نے جیت لی۔ بنوں نے کرکٹ اور والی بال میں پہلی پوزیشن حاصل کی۔ سوات نے دوسری اور ڈی آئی خان تیسرے نمبر پر رہی۔ طہماس خان فٹبال سٹیڈیم پشاور میں انٹر مدارس گیمز کے سلسلے میں فٹبال کا فائنل ڈی آئی خان اور سوات ریجن کے درمیان کھیلاگیا ۔ جس میں دونوں ٹیموں نے بہترین کھیل کامظاہرہ پیش کیا۔آخر میں پینلٹی شوٹ آؤٹ کے ذریعے ڈی آئی خان نے پانچ چار سے ٹرافی اپنے نام کرلی۔ پی ایس بی جمنازیم میں والی بال فائنل میں بنوں نے سوات کو تین صفر سے شکست دی سکور 25-15,25-19 اور 25-12 رہا، اسی طرح اسلامیہ کالج گراؤنڈ پر منعقدہ کرکٹ فائنل سوات اور بنوں ریجن کے درمیان کھیلاگیا جس میں بنوں ریجن نے ٹاس جیت کر پہلے بیٹنگ کرتے ہوئے مقرررہ اورز میں 129 رنز بنائے جس میں ثاقب 25، الطاف 19 اور اکرام 17 رنز کے ساتھ نمایاں سکور رہے، جواب میں بنوں ریجن کی ٹیم مطلوبہ ہدف کے تعاقب میں 116 پر آؤٹ ہوگئی۔ بنوں کی طرف سے فواد 21 رنز کے ساتھ نمایاں سکور رہے، انٹر مدارس گیمز کی اختتامی تقریب کے مہمان خصوصی ڈائریکٹر آپریشن عزیز اللہ اور ڈائریکٹر سپورٹس ضم اضلاع رضی اللہ خان نے کھلاڑیوں میں انعامات تقسیم کئے۔ ان کے ہمراہ ڈپٹی ڈائریکٹر آپریشن جمشید بلوچ،ڈائریکٹرسلیم رضا، ریجنل سپورٹس آفیسر کاشف فرحان،ریجنل سپورٹس آفیسر کوہاٹ ڈاکٹر حضرت اللہ خان، ڈسٹرکٹ سپورٹس آفیسر پشاور گل رخ سمیت دیگر شخصیات موجود تھیں۔ انٹر مدارس گیمز میں صوبے کے 7 ریجن سے 400 کھلاڑیوں نے والی بال، کرکٹ اور فٹبال گیمز میں حصہ لیا۔